Fondo cabecera Concello de Castro de Rei

Patrimonio cultural

No século XVI foi levantado o castelo de Castro de Rei, que lle deu nome, brasón e escudo á vila.O castelo, que co núcleo de poboación, estivo rodeado de murallas, conservouse en pé ata 1941, ano no que desapareceu. O altonazo no que se acha o núcleo primitivo da vila foi un castro rodeado polos ríos Azúmara e Toreneiros, conserva restos das antigas defensas do castro e da fortaleza. Con data 4 de Febreiro de 1971 foi declarada conxunto histórico e paraxe pintoresca.

Son numerosas as mámoas, medorras,antas con ou sen dolmen interior, todas elas de 4000 a 5000 anos, situadas en zonas como Rozas, Loentia, Ansemar, Ribras de Lea (no limite con Otero de Rei), e noutras parroquias achandadas a consecuencia de traballos agrícolas.

Existe unha gran cantidade de castros que dan nome a vilas, parroquias e lugares, procede citar os Castros de Duarria, Azúmara, Bazar, Outeiro, o propio de Castro de Rei, croas de Goberno, Loentia, rodela en Balmonte, a Escrita en Sta. Leocadia identificada por algúns historiadores co Monte Medulio, en cuxa cima foi contruido en 1931 un monumento ao Sacro Corazón de Jesús, e máis tarde un vía crucis desde a igrexa parroquial ao monumento.

Ao falar de patrimonio arqueolóxico estamos a citar o Castro e museo de Viladonga, considerado emblema deste municipio. Non podemos esquecer a fermosa ponte Duarria, polo que debía de pasar unha vía Romana que ía de Lucus Augusti á costa.

Castro de Rei posúe tamén un rico patrimonio de arquitectura civil, colexio Duancos (Duancos), pazo Señores de Perejón (Mondriz), casa de Ancado( Mondriz), casa de Sanxurso (Mondriz), as Lombas (Loentia), ou Curral e casa Portas (Azúmara), Fontixón, Casa de Outeiro (Ramil), dá Torre (Balmonte), Granda, Aguiar e do Pacio8Bazar), Cornide e Porto Bexán (Bendia), Rei-Stolle e casa de Mon (Coea), Tormentosa(Duarria), Francos (Goberno), casa de Arrois ou dos Montenegros, Texeda e Reboleiras (Mos), Quiñoá (Orizón), Villamarin (Coto de Á), Fontelaxe, Agueiros, Torre de Seivane e Casa Plácido (Castro Ribeiras de Lea); casa cuartel da milicia para albergar tropas durante a guerra Carlista (Prevesos). A case totalidade dos citados edificios posúen fermosos escudos e foron construídas a maioría deles nos séculos XVIII e XIX.

Información sobre el documento

Escudo del    Concello de Castro de Rei
Concello de Castro de Rei
Plaza Mayor N°1 – 27250 Castro de Rei - Lugo (Galicia)
Teléfono: 982 314 034 | Fax: 982 314 061
E-mail: concello.castroderei@eidolocal.es